Şengen Anlaşmasının adını aldığı kənd
26 sentyabr 2011 20:43 (UTC +04:00)

Şengen Anlaşmasının adını aldığı kənd

Lent.az-ın “haberturk.com” saytına istinadən verdiyi məlumata görə, Lüksemburq, Almaniya və Fransa sərhədlərinin kəsişdiyi bir nöqtədə yerləşən Şengen kəndi Mosell çayı sahilindədir. Lüksemburq paytaxtından 40 kilometr uzaqlıqda yerləşən, 600 nəfərin yaşadığı bu kənddə hər mövsüm bura gələn turistlər axını və şərabçılıq əsas dolanışıq mənbələridir. Turizm sektorunda çalışmayanlar məhz şərabçılıqla məşğul olurlar. Kənddə turistlərə VIX əsrdən qalan və sonradan bərpa edilən “Chateau de Schengen” adlı otel xidmət göstərir. Oteldən müxtəlif toplantıların və konfransların keçirilməsi üçün də istifadə edilir.

Mosell çayı kənarında, üzüm bağlarının əhatəsində olan Şengendən 2 ayrı körpü ilə Fransa və Almaniyaya keçmək mümkündür. Bir turist 5 dəqiqədə 3 ayrı ölkədə ola bilir. Kənddə Şengen Anlaşmasını anmaq üçün üç sütunlu dəmirdən düzəldilmiş və üzərində ölkələri təmsil edən ulduzların yer aldığı Şengen Anlaşması abidəsi də var.


Qeyd edək ki, Şengen Anlaşması 14 iyun 1985-ci ildə imzalanıb. Hazırda 25 ölkə Şengen Anlaşmasına qoşulub.
# 616

Oxşar yazılar