Türkiyənin kürdlər yaşayan bölgələrində şok gerçəklik

Kürd qadın və qızların 25 faizi insest cinsi istismara məruz qaldıqlarından şikayətlənirlər
Hakkari Universiteti tərəfindən təşkil olunan Kürd Qadınları Konqresində qadınların məruz qaldıqları cinsi istismarla bağlı sensasion açıqlamalar verilib.
Lent.az-ın Türkiyə mətbuatına istinadən verdiyi xəbərə görə, KAMER (Qadın Mərkəzi) başqanı Nebahat Akkoç Şərqi və Cənub-Şərqi Anadoluda hər 4 evdən birində qadın və qızların insest cinsi istismara məruz qaldığını söyləyib.

O deyib ki, KAMER-ə müraciət edən 50 min qadının 25 faizi ailə üzvləri tərəfindən cinsi istismara (insest) məruz qaldığını bildirib. Nebahat Akkoç bunun çox böyük rəqəm olduğunu vurğulayıb: “Cəmiyyətdəki mövcud qadağalar səbəbindən heç kim bu barədə açıq səslə danışa bilmir. Cinsi istismar məsələsində millət, yoxsul və zəngin bölgüsü yoxdur. Cəmiyyətin hər təbəqəsində qadınlar cinsi istismara məruz qalırlar”.

Nebahat Akkoçun sözlərinə görə, cinsi istismarla bağlı cinayətlərin əsas səbəbi heç də bəkarətin pozulması, ya da aldatma məsələləri deyil.