107 yaşlı qadın 23-cü dəfə ərə gedəcək

Dünyanın ən yaşlı insanlarından biri olan Uok Kundor adlı qadın 23-cü dəfə evlənməyə hazırlaşır.

Lent.az-ın xarici KİV-ə istinadən məlumatına görə, malayziyalı, 107 yaşla Kundorun hazırda özündən 70 yaş kiçik kişi ilə rəsmi nikahı var. Onlar 4 il əvvəl evləniblər. Ancaq yaşlı qadın ərinin onu tərk etməsindən və tənhalıqdan qorxur.

Kundor hesab edir ki, narkotik asılılığı olan 37 yaşlı əri daha gənc qadın üçün onu tərk edə bilər: “Hazırda o, müalicə alır. Mümkündür ki, sağalandan sonra məni atsın, özünə cavan arvad tapsın, onda mən tək qalaram”.

Yaşlı qadın boşanmaq istədiyini ərinə bildirmək üçün onun müalicə olunduğu paytaxt Kuala-Lumpura gedib.

“Artıq özümə inamım azalıb. Bilirəm, gənc qadının bədəninə sahib ola bilmərəm. Amma tənhalıqdan da qorxuram. Tək qalmamaq üçün yaşıma uyğun biri ilə evlənmək istəyirəm”, - deyə qadın bildirib.