Ermənistanla Gürcüstan arasında sərhəd mübahisəsi yaranıb
26 avqust 2009 12:30 (UTC +04:00)

Ermənistanla Gürcüstan arasında sərhəd mübahisəsi yaranıb

Ermənistanın Bavra kəndinin sakinləri Gürcüstan sərhəd xidmətinin əsgərlərini kəndin 130 hektar əkinə yararlı torpağını zəbt etdiyini iddia edir.

Lent.az-ın Panarmenian saytına istinadən verdiyi məlumata görə, bu ilin mayında gürcü sərhədçiləri həmin torpaqlara erməniləri buraxmamağa başlayıblar. Gürcü sərhədçiləri bu torpaqların Gürcüstana aid olduğunu bildiriblər.

Kənd icmasının rəhbəri Koryun Sumbulyan məsələ ilə əlaqədar sabah Ermənistanın baş naziri ilə görüşəcəyini söyləyib.

Panarmenian saytına Ermənistan Xarici İşlər Nazirliyindən bildirilib ki, məsələ ilə bağlı nazirlikdə məlumat var, həmin ərazidə Ermənistan-Gürcüstan sərhədi razılaşdırılmayıb.

Ermənistan Xarici İşlər Nazirliyi Gürcüstan tərəfi ilə bu istiqamətdə danışıqlar aparır.
1 2 3 4 5 İDMAN XƏBƏRLƏRİ
# 1012

Oxşar yazılar