Gül və Ərdoğan məhkəməyə verildi
24 avqust 2009 11:30 (UTC +04:00)

Gül və Ərdoğan məhkəməyə verildi

Prezident və baş nazirə qarşı iddia ilə çıxış edən hakim mənəvi təzminat istəyir

Türkiyədə Sincan 1-ci Ağır Cəza Məhkəməsinin sədri Osman Kaçmaz prezident Abdulla Gül və baş nazir Rəcəb Tayyib Ərdoğanı məhkəməyə verib.

Lent.az-ın Türkiyə mətbuatına istinadən verdiyi məlumata görə, Sincan 1-ci Ağır Cəza Məhkəməsinin sədri prezident və baş nazirdən mənəvi təzminat qismində 10 min türk lirəsi istəyir.

İddia ərizəsi Osman Kaçmazın vəkili Baykal Doğan tərəfindən təqdim olunub.

Qeyd edək ki, Sincan 1-ci Ağır Cəza Məhkəməsinin sədri Rifah Partiyasının hakimiyyəti dövründə yoxa çıxmış 1 trilyon vəsaitlə bağlı prezident Abdulla Gülün də ifadə verməsi ilə bağlı qərar çıxarmasıyla məşhurlaşıb. Osman Kaçmaz indi həmin qərarından sonrakı dövrdə Gül və Ərdoğanın onun insan hüquqlarını pozmağa yönəlik açıqlamalar vermələrindən şikayətçidir və ona görə də mənəvi təzminat məsələsini qaldırıb.
1 2 3 4 5 İDMAN XƏBƏRLƏRİ
# 771

Oxşar yazılar