Həmyerlimiz Ukraynada partiya sədrinin müavini oldu

Ukrayna vətəndaşı olan həmyerlilərimizin bu ölkənin ictimai-siyasi həyatında aktiv iştirakları Azərbaycan ictimaiyyətinə bəllidir. Bu fakt özünü 2004-cü ildə keçirilən və Andrey Viktoroviç Yuşşenkonun qələbəsi ilə başa çatan seçkilərdə də doğruldub.

Lent.az-ın Ukrayna müxbirinin verdiyi məlumata görə, bir neçə gün öncə daha bir həmyerlimiz ölkənin aparıcı siyasi partiyalarından olan “Edinstvo”nun Kiyevdə keçirilən 13-cü növbədənkənar qurultayında mühüm post tutub.

Gələn ilin yanvarında ölkədə keçiriləcək növbəti prezident seçkilərinə hazırlıqla bağlı gələcək planların müzakirə olunduğu və seçkilərlə əlaqədar strukturların formalaşdırıldığı toplantıda Ukraynanın milli qəhrəmanı, Kiyev şəhərinin keçmiş meri, hazırda Ali Radanın dövlət tikintisi və yerli özünüidarəetmə komitəsinin sədri olan Aleksandr Aleksandroviç Omelçenko partiyanın sədri seçilib. Müavın seçkilərində isə Ukrayna Azərbaycanlıları Konqresinin Odessa Vilayət Təşkilatının İcra Aparatının rəhbəri Bayram Əliyev uğur qazana bilib. Sədrin digər müavinləri isə Popoviç Valeri və Savçuk Viorel olublar.

Anar Ağayev