“Daily Telegraph”: Maykl Cekson çoxdan basdırılıb

Meqa-starla bağlı ziddiyyətli məlumatlar yayılmaqda davam edir

Maykl Ceksonun ölümündən sonra Amerika və Avropa mətbuatında onunla bağlı ən ağlasığmaz məlumatlar yayılır.

Gah onun ölmədiyi, xəstəxanadan qaçdığı, gah öldürüldüyü, gah müsəlman olduğu, gah ağır xəstəlikdən öldüyü barədə məlumatlar dolaşır. İndi isə meqa-starın cənazəsinin çoxdan dəfn edildiyi barədə xəbərlər gəzir.

Lent.az xəbər verir ki, bu barədə məlumatı İngiltərənin “Daily Telegraph” qəzeti yayıb. Qəzetdə məlumatla bərabər dəfn mərasimindən şəkillər də dərc edilib. Qəzet iddia edir ki, Cekson bazar ertəsi gecəsi yaxınlarının iştirakı ilə keçirilən mərasimdən sonra basdırılıb.

Qeyd edək ki, daha əvvəl müğənni ilə vida mərasiminin bu gün keçiriləcəyi bildirilib.