İngiltərə polisi qadınların mini yubka geyinməməsini istədi!...

Lent.az-ın “The Guardian” qəzetinə istinadən verdiyi məlumata görə, polis sərt keçən qış səbəbindən qadınların ziyafətlərə gedərkən mini yubkalar və nazik paltarlar geyinməməsini, qalın geyimlərə üstünlük vermələrini istəyib.

Polisin xəbərdarlığında qeyd olunur ki, xüsusən ölkənin şimal bölgələrində ziyafətlərdə alkoqollu içkilər qəbul edən və mini yubka, nazik paltar geyinən qadınlar çölə çıxarkən soyuğu hiss etmirlər. Buna görə də həmin qadınlar hiportemiya (bədən temperaturunun həddən artıq düşməsi) durumu ilə üzləşə bilərlər.

Xəbərdarlıqda qeyd olunur ki, mini yubka və nazik paltar geyinən qadınları soyuq hava şəraitində avtomobil gözləyərkən don vurması ehtimalı daha yüksəkdir.

Qeyd edək ki, İngiltərənin şimal bölgələrindəki qadınların qıf fəsli zamanı belə mini yubka geyinmələri alimlərin də diqqətini çəkib. Hazırda alimlər Şimali İngiltərədəki qadınların ölkənin digər bölgələrindəki qadınlara nisbətən daha qalın dəriyə malik olub-olmadıqlarını araşdırmağa başlayıblar.