Qatil meymun öldürüldü

Makaka cinsindən olan meymun evdən 4 günlük uşağı qaçırıb. Lent.az-ın “The Star” qəzetinə istinadən verdiyi xəbərə görə, meşədən gələn meymun qucağına aldığı uşağı binaların birinin üstündən yerə atıb. Yeni doğulmuş körpə oradaca keçinib.

Seremban şəhər administrasiyasının nümayəndəsi olan Məhəmməd İsak meymunun yemək tapmaq məqsədi ilə evə girdiyini bildirib. O, həmçinin əlavə edib ki, heyvan ətrafdakı insanların ona acıqlandığını görərək, qorxusundan uşağı yerə buraxıb. Qatil meymun körpənin yaxınları tərəfindən öldürülüb.