İstanbulda ermənilər üçün qapalı sosial şəbəkə yaradılıb

İstanbulda yaşayan erməni Burak Bulduk dünya erməniləri üçün «Haysocial» adlı sosial şəbəkə yaradıb.

Lent.az-ın «Novosti-Armenii»-yə istinadən məlumatına görə, bu «Facebook», «Twitter», «Google+» və «Lınkedin» kimi şəbəkələrin funksiyası da daxil edilib. Bu saytda yalnız ermənilər qeydiyyatdan keçə bilər.

İstanbulda çıxan «Akos» adlı ermənidilli qəzetə müsahibəsində Burak Bulduk deyib ki, «www.haysocial.com» şəbəkəsi ermənilərdə dünya arasında yaranmış bütün maneələri qıracaq və onların biri-biri ilə ünsiyyət qurmasını asanlaşdıracaq.

«Saytda qeydiyyatdan keçmək üçün əsas şərt erməni olmaqdır. Bunu yoxlamaqdan ötrü bizim ayrıca mexanizmimiz var. Şəbəkədə qeydiyyat pulsuzdur.

Ondan istifadə ilə bağlı bütün təhlükəsizlik təmin olunub.Saytın yerləşdidyi İstanbul küçələrində 30 yaxın videokamera quraşdırılıb. Ermənistanın çeşidli şəhərlərindən şəbəkəyə qoşulmaq üçün də həmin yerlərdə videokameralar mövcuddur» - deyə, o, bildirib.