Bu, qarderobunuzda mütləq olması gərəkən geyimlərdəndir, çünki ağ cinslər artıq klassikaya çevrilib və onları il boyu rahatlıqla geyinmək mümkündür.
Lent.az bu 5 fikri sizə təqdim edir:
Əgər ağ cins şalvarları yalnız xüsusi hallarda geyinirsinizsə, onları necə kombin etməyi bilmirsinizsə və ümumiyyətlə, sizə yaraşıb-yaraşmadığından əmin deyilsinizsə, biz sizə kömək edəcəyik. Aşağıda təqdim olunan beş aktual obraz ağ cinslərin qarderobda olmasının nə qədər yaxşı bir fikir olduğunu aydın şəkildə göstərir.
1. Monoxrom görünüş
Ağ cins şalvarı geyinməyin ən sadə yolu — onları ağ köynək və ya futbolka ilə kombinləməkdir. Üzərinə iti burunlu ayaqqabılar əlavə edin. Bu obraz həm ofis üçün (əgər sərt dress-kod yoxdursa), həm də rəfiqələrlə kafedə görüş üçün idealdır. Geniş kəsimli şalvar modellərini seçməyiniz tövsiyə olunur.
2. Həm işgüzar, həm gündəlik
Əgər iş yerinizdə işgüzar geyim tələbi varsa, ağ cinsləri şık bir jaketlə tamamlayın. Klassik uzunluqda modellərə üstünlük verin və açıq dabanlı, alçaq dabanlı ayaqqabılarla kombin edin.
3. Rahat ayaqqabılarla
Ağ cinsləri gəzinti üçün geyinmək istəyirsinizsə, yüngül toxunmuş sadə bir sviter və rahat ağ idman ayaqqabıları seçin. Görünüşü daha maraqlı etmək üçün toxunmuş çanta və ya səbət formalı çanta əlavə edə bilərsiniz.
4. Qara gödəkçə ilə
Bu, həm tədbir, həm də iş üçün uyğun olan dəbli və universal bir kombindir. Bu ansambl üçün düz və sərbəst kəsimli cinslər ən uyğun seçim olacaq. Obraza artıq aksesuar və rəng əlavə etmədən sadə saxlamaq tövsiyə olunur.
5. Axşam və qlamur üslubda
Əgər daha qlamur bir görünüş istəyirsinizsə, ağ cinslər yenə də köməyinizə çatacaq. Sevimli klassik şalvarınızı boho stilində bir bluzla kombinləyin, iri aksessuarlar və topuqlu ayaqqabılarla tamamlayın. Bu dəbli tövsiyələrlə ağ cins şalvarları fərqli situasiyalarda rahatlıqla geyinə və qarderobunuza yeni nəfəs gətirə bilərsiniz.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
