Qalmaqal: Kişinin iki arvadının sirri ən gözlənilməz şəkildə ortaya çıxdı

Gizli toy xəstəxanada təsadüfi görüş səbəbiylə ortaya çıxıb.

49 yaşlı Vatialinqam Mutkumar, gizli ikinci toyunun ən gözlənilməz şəkildə ifşa olunmasından sonra Sinqapurda dəmir barmaqlıqlar arxasına düşüb.

Lent.az-ın xarici mediaya istinadla xəbərinə görə, ikinci arvadı birinci həyat yoldaşının işlədiyi xəstəxanada uşaq dünyaya gətirib.

Əslən Hindistandan olan Muthumar 2007-ci ildə evlənib.

Sinqapura köçdükdən sonra Salma Bi Abdul Razak ilə tanış olub və onunla münasibət qurmağa başlayıb. Kişi birinci həyat yoldaşından boşanacağına söz verib, lakin 2022-ci ildə Salma ilə gizli nişanlanıb.

Bir neçə ildir ki, o, hər iki evliliyi uğurla gizlədib. 2023-cü ilin sentyabrında ikinci arvadı birinci həyat yoldaşının xəstəxanasında uşaq dünyaya gətirəndə hər şey dəyişib. Ərini doğum evində görən qadın həqiqəti dərhal anlayıb.

Mutkumar əvvəlcə iki ailənin olduğunu etiraf edib, lakin hüquqi nəticələr yalnız bir il sonra gəlib. Gözlənilmədən ikinci arvadı Salma özü polisə müraciət edib.

2024-cü il avqustun 21-də Sinqapur məhkəməsi Mutkumarı ikiarvadlılıqda təqsirli bilib. O, 3 ay 3 həftə həbs, həmçinin külli miqdarda pul cəzası alıb.

Sinqapurda ikiarvadlılıq ciddi cinayətdir. Gizli həyatı üzə çıxandan sonra Mutkumar hər şeyini itirmək riski ilə üzləşib: birinci və ikinci ailələrini.