Şəmkirdə ölümlə nəticələnən yol qəzası olub.
DİN mətbuat xidmətindən Lent.az-a verilən məlumata görə, noyabrın 27-də saat 13 radələrində Şəmkir rayonunun Sarıtəpə kəndi ərazisində rayon sakini Ceyhun Ələkbərlinin idarə etdiyi “VAZ-21074” və Qazax rayon sakini N.Bayramovun idarə etdiyi “Chevrolet-Niva” markalı avtomobillər toqquşub. Nəticədə C.Ələkbərli aldığı xəsarətlərdən hadisə yerində ölüb, digər sürücü isə xəstəxanaya yerləşdirilib.
Faktla bağlı Şəmkir rayon Polis İdarəsi tərəfindən araşdırma aparılır.