Dəri ləkələri üçün bu maskanı edin

Quru mayanın dərinin gözəlliyinə faydaları haqqında eşitmisinizmi? Maya uzun illərdir mətbəxdə deyil, həm də gözəllik məhsulu kimi istifadə olunur. Dərinizdə ləkələr varsa, quru mayadan kömək ala bilərsiniz.

Lent.az dəri ləkələri üçün quru maya maskasının reseptini təqdim edir:

Lazım olan məhsullar:

1 paket quru maya

1 xörək qaşığı isti su

2 xörək qaşığı limon

Hazırlanması:

1 paket quru mayanı 1 xörək qaşığı isti su ilə qarışdırın və əriməsini gözləyin. Maya əriyib qabarmağa başlayanda limon suyunu əlavə edib yaxşı qarışdırın.

Qarışığı bir fırça və ya barmaqlarınızın köməyi ilə təmiz dərinizə çəkin. Gözlərinizin və dodaqlarınızın ətrafına tətbiq etməməyə diqqət edin. 15 dəqiqə gözlədikdən sonra üzünüzü ilıq su ilə yuyun.

Bu maskanı hər 10 gündə bir tətbiq edə bilərsiniz. Maska tətbiq etməzdən əvvəl mayaya qarşı allergiyanız olmadığına əmin olun.