Vyanada terror törətməkdə şübhəli bilinən saxlanıldı

Avstriyanın paytaxtı Vyanada terror aktı törətməkdə şübhəli bilinən şəxs polis tərəfindən saxlanılıb.

APA-nın xəbərinə görə, bu barədə "Krone Zeitung" nəşri məlumat yayıb.

Nəşrin məlumatına görə şübhəli şəxs Linz şəhərində saxlanılıb.

Qeyd edək ki, noyabrın 2-də axşam bir qrup naməlum şəxs Avstriya paytaxtında altı yerdə hücumlar təşkil edib. Son məlumata görə, hücumlar nəticəsində 3 nəfər həlak olub, 15 nəfər yaralanıb.

Hücum edənlərdən yalnız birini zərərsizləşdirmək mümkün olub, digərləri qaçıb. KİV hücumda 7 nəfərin iştirak etdiyini yazır.