1135
16:41
11 Sentyabr 2020

Hər partada 1 şagird oturacaq - RƏSMİ

"Sinifdə şagirdlərin minimal və ya maksimal sayına hədd qoymuruq, sinifləri şagirdlər arasında 1,5 m məsafəni qorumaq meyarına görə qruplara böləcəyik".

Lent.az -ın məlumatına görə, bunu Nazirlər Kabinetinin “Xüsusi karantin rejimi dövründə Azərbaycanda fəaliyyət göstərən təhsil müəssisələrində tədris və təlim-tərbiyə prosesinin təşkilinin müvəqqəti Qaydaları” barədə qərarına həsr olunan onlayn mətbuat konfransında Təhsil Nazirliyinin Ümumi və məktəbəqədər təhsil şöbəsinin müdiri Vəfa Yaqublu bildirib: "Adi məktəblərdə sinif otaqları 60 və ya 36 kvadrat metrlikdir, 60 kvadram metrlik otaqlarda dərs keçiriləcəksə, partaların 1,5 metr məsafə ilə olmasına uyğun şagird sayı götürüləcək. Nə qədər imkan varsa, sinif o qədər komplektləşdirilib qruplara bölünəcək. Çox şagird sıxlığı olan siniflərdə isə övladının getməsindən ehtiyat edən valideynlər xüsusi iltizam formasını imzalamaqla məktəbə göndərməyə bilər. Şagird sıxlığı olan siniflərdə ehtimal var ki, hər valideyn uşağını göndərməyəcək və bu da şagird sıxlığını azaldacaq. Hər partada 1 şagird oturmaqla dərs keçmək mümkün olacaq".

Dİgər xəbərlər