"Bakının ekoloji vəziyyəti iri sənaye şəhərlərinə xas olan cəhətlərə uyğundur. Bu, ilk növbədə, nəqliyyatın sıx olması, sənaye və iaşə müəssisələrinin fəaliyyəti ilə bağlıdır. ".
Lent.az məlumat verir ki, bu barədə Milli Hidrometeorologiya Xidmətinin rəis müavini Vasif Əliyev bildirib. O, hazırda paytaxtda ekoloji təmizliyinə görə yaşayış üçün ən ideal ərazilərin adlarını açıqlayıb:
"Əlbəttə, yerli relyefin və hava-iqlim şəraitinin təsiri də burada öz rolunu oynayır. Məsələn, Bakı şəhərinin hansı inzibati rayonunda daha əlverişli ekoloji vəziyyətin olması sualını cavablandırarkən sözügedən faktorları nəzərə almaq lazımdır.
Bakı şəhərinin inzibati rayonlarında atmosfer havasının keyfiyyəti üzrə aparılan monitorinqin nəticələrinə əsasən demək olar ki, Pirallahı, Binəqədi rayonları, 9-cu mikrorayon ərazisi və Yasamal rayonunun bəzi əraziləri digər rayonlara nisbətən daha əlverişli ekoloji şəraiti ilə fərqlənir".
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
