11:43
02 Sentyabr 2020

UEFA Millətlər Liqasının yeni mövsümü başlayır

Sabah UEFA Millətlər Liqasında yeni mövsümə start veriləcək.

Apasport.az saytının məlumatına görə, bununla da Avropada yığma səviyyəli oyunlarda yaranan fasilə başa çatacaq.

Koronavirus pandemiyası ilə əlaqədar bütün yarışlar təxirə düşdüyündən, milli komandaların son rəsmi matçları ötən ilin noyabrında baş tutub. 10 aydan sonra yığmaların qitə səhnəsinə dönüşü Millətlər Liqasının ikinci mövsümü ilə gerçəkləşəcək.

2020/21 mövsümü ardıcıl iki turla başlayacaq. Altı gün ərzində baş tutacaq bu turlar çərçivəsində ümumilikdə 54 oyun keçiriləcək.

A, B və C liqasının hərəsinin 4, D liqasının 1-ci qrupunda hər turun iki görüşü təşkil olunacaq. Sonuncu liqanın 2-ci qrupunda isə hər turda bir qarşılaşma keçiriləcək. Bu qrupun iki komandası sentyabrda bir matç keçirəcəksə, digər Avropa yığmalarını iki sınaq gözləyir.

Azərbaycan yığması turların son günündə meydana çıxacaq. C liqasının 1-ci qrupunda mübarizə aparan millimiz sentyabrın 5-də Lüksemburqu qəbul edəcək.

Canni de Byazinin yetirmələri ilk səfər oyununa Kiprdə çıxacaq. Bu görüş ayın 8-də keçiriləcək.

Qonşu Türkiyə yığması da iki oyunda qüvvəsini sınayacaq. Şenol Günəşin baş məşqçisi olduğu komanda B liqasında mübarizə aparacaq.

“Ay-ulduzlular” sabah evdə Macarıstanla üz-üzə gələcək. Türkiyəliləri üç gün sonra Serbiya sınağı gözləyir.

İlk iki turun ən maraqlı görüşləri Avropa nəhənglərinin yer aldığı A qrupunda baş tutacaq. I turda Almaniya – İspaniya və Portuqaliya – Xorvatiya matçları bütün qitənin diqqət mərkəzində olacaq. II turun bəzəyi Niderland – İtaliya və Fransa – Xorvatiya qarşılaşmalarıdır. Son görüşdə DÇ-2018-in finalçıları yenidən üz-üzə gələcək.

Qeyd edək ki, turnirin növbəti turları oktyabrda təşkil olunacaq.

Millətlər Liqası

I tur

3 sentyabr

A liqası, 4-cü qrup

22:45. Almaniya – İspaniya

22:45. Ukrayna – İsveçrə

B liqası, 3-cü qrup

22:45. Rusiya - Serbiya

22:45. Türkiyə - Macarıstan

B liqası, 4-cü qrup

22:45. Bolqarıstan - İrlandiya

22:45. Finlandiya - Uels

C liqası, 3-cü qrup

22:45. Moldova – Kosovo

22:45. Sloveniya – Yunanıstan

D liqası, 1-ci qrup

22:45. Farer adaları - Malta

22:45. Latviya - Andorra

4 sentyabr

A liqası, 1-ci qrup

22:45. İtaliya – Bosniya və Herseqovina

22:45. Niderland – Polşa

B liqası, 1-ci qrup

22:45. Norveç - Avstriya

22:45. Rumıniya – Şimali İrlandiya

B liqası, 2-ci qrup

22:45. Şotlandiya - İsrail

22:45. Slovakiya – Çexiya

C liqası, 4-cü qrup

22:45. Belarus - Albaniya

22:45. Litva - Qazaxıstan

5 sentyabr

C liqası, 2-ci qrup

17:00. Şimali Makedoniya – Ermənistan

20:00. Estoniya - Gürcüstan

D liqası, 2-ci qrup

17:00. Cəbəllütariq – San-Marino

A liqası, 2-ci qrup

20:00. İslandiya – İngiltərə

22:45. Danimarka – Belçika

C liqası, 1-ci qrup

20:00. Azərbaycan – Lüksemburq

20:00. Kipr - Monteneqro

A liqası, 3-cü qrup

22:45. Portuqaliya - Xorvatiya

22:45. İsveç - Fransa

II tur

6 sentyabr

B liqası, 4-cü qrup

17:00. Uels – Bolqarıstan

20:00. İrlandiya - Finlandiya

D liqası, 1-ci qrup

17:00. Andorra – Farer adaları

22:45. Malta - Latviya

B liqası, 3-cü qrup

20:00. Macarıstan - Rusiya

22:45. Serbiya – Türkiyə

C liqası, 3-cü qrup

20:00. Sloveniya – Moldova

22:45. Kosovo - Yunanıstan

A liqası, 4-cü qrup

22:45. İspaniya – Ukrayna

22:45. İsveçrə - Almaniya

7 sentyabr

C liqası, 4-cü qrup

18:00. Qazaxıstan – Belarus

22:45. Albaniya - Litva

A liqası, 1-ci qrup

22:45. Bosniya və Herseqovina – Polşa

22:45. Niderland – İtaliya

B liqası, 1-ci qrup

22:45. Avstriya – Rumıniya

22:45. Şimali İrlandiya – Norveç

B liqası, 2-ci qrup

22:45. Çexiya – Şotlandiya

22:45. İsrail - Slovakiya

8 sentyabr

C liqası, 2-ci qrup

20:00. Ermənistan – Estoniya

18:00. Gürcüstan – Şimali Makedoniya

A liqası, 2-ci qrup

22:45. Belçika – İslandiya

22:45. Danimarka – İngiltərə

A liqası, 3-cü qrup

22:45. Fransa – Xorvatiya

22:45. İsveç - Portuqaliya

C liqası, 1-ci qrup

22:45. Kipr – Azərbaycan

22:45. Lüksemburq – Monteneqro

D liqası, 2-ci qrup

22:45. San-Marino - Lixtenşteyn

Dİgər xəbərlər