1456
10:23
14 İyul 2020

6 ay ərzində alimenti ödəməyən 943 nəfər həbs edilib

2020-ci ilin birinci yarımilində aliment borcunu ödəməyən 1215 nəfər inzibati məsuliyyətə cəlb olunub.

Bu barədə Ədliyyə Nazirliyindən APA -nın sorğusuna cavab olaraq bildirilib.

Qeyd edilib ki, onlardan 943-ü həbs edilib. Hazırda aliment borcunu ödəməkdən yayınan 2359 nəfər axtarışdadır.

Əlavə olaraq inzibati tənbehdən nəticə çıxarmayaraq aliment borcunu qərəzli olaraq ödəməyən 12 nəfər barəsində Cinayət Məcəlləsinin 306-cı maddəsinə əsasən cinayət işi açılıb.