19:06
12 Sentyabr 2020

Evdə selülitdən xilas olmağın 4 qızıl qaydası

Xanımlar yaz və yay aylarında selülitlərə görə daha çox narahat olurlar. Selülit dəridə girintili-çıxıntılı portağal qabığına oxşar görünüş yaranmasına səbəb olur. Dəri altındakı yağ birləşdirici toxumaya yaslanaraq selülit yaradır. Bundan əlavə, yaş keçdikcə dəri elastikliyini itirir və bu da selülitin artmasına və ya daha da çox görünməyinə səbəb olur. Selülitsiz bir bədən üçün sağlam qidalanma, bol hərəkət kifayət etmir. “Portağal qabığı” deyilən bu xoşagəlməz problemdən xilas olmaq üçün bəzi qaydaları bilmək lazımdır.

Lent.az hər bir xanımı bu kabusdan xilas edəcək məqamları təqdim edir:

Həkimlər bildirir ki, çəkisindən asılı olmayaraq qadınların 85 faizi yeniyetməlik dövründən sonra selülitlə üzləşir. Yağın parçalanma forması, dərinin elastikliyi və yağın ayağın iç tərəfinə, qolların iç tərəfinə və sinəyə paylanması isə estrogen hormonu ilə əlaqədardır. Yəni, selülit qadın bədəninin təbii bir parçasıdır. Selülit qorxulu, təhlükəli bir şey deyil. Əslində təmamilə yox olan bir şey də deyil. Sadəcə, müəyyən addımlarla görünüşünü azalda bilərsiniz.

Evdə selülitin görünüşünü bir neçə üsul ilə azalda bilərsiniz.

Sağlam qidalanın

Bədəndə həddindən artıq yağ olanda görünüşdə də selülit artır. Çox su için. Sağlam qidalanmaq həm də orqanizmdəki iltihablanmanı da təmizləyəcək. Beləcə, selülitin görünüşü azalacaq.

İdman edin

Hərəkət edin. Yağları əridin, qan dövranını sürətləndirin və nəticədə dəri altındakı yağları azaldaraq selülit görünüşünü azaldın.

Masaj etdirin

Masaja getməyə imkanınız yoxdursa, hər gün quru fırça ilə özünüz masaj edin. Selülit olan bölgədə qan dövranı sürətlənib, limfa sistemi tənzimlənəndə selülitin görünüşü də azalır.

Duşda skrablardan istifadə edin

Kofe skrabı selülitə qarşı kömək edə bilir.

Ən əsası qəbul edin ki, bu ayıb, zərərli bir şey deyil. Təbii bir parçamızdır. Sadaladığımız qaydalara riayət edərək bunu azlada və istədiyiniz görünüşə sahib ola bilərsiniz.

Dİgər xəbərlər