1162
10:34
02 İyun 2020

Şəhərdəki evin həyətində çətənə əkmişdi

Astarada evin həyətində narkotik tərkibli bitkilər aşkarlanıb.

DİN-in mətbuat xidmətinin Lənkəran regional qrupundan Lent.az -a verilən məlumata görə, daxil olmuş məlumat əsasında Astara rayon Polis Şöbəsinin əməkdaşlarının keçirdiyi əməliyyat-axtarış tədbirləri nəticəsində narkotik tərkibli çətənə bitkiləri yetişdirməkdə şübhəli bilinən şəhər sakini Novruzəli Həsənov saxlanılıb. Onun yaşadığı ünvana baxış keçirilən zaman evinin həyətyanı sahəsindən aqrotexniki qaydada qulluq edilmiş 85 ədəd çətənə kolu aşkar edilərək götürülüb.

Faktla bağlı Astara rayon Polis Şöbəsində araşdırmalar davam etdirilir.