09:51
20 Aprel 2020

Geryedən nümunəvi addım - koronavirusla mübarizəyə qoşuldu

"Neftçi"nin müdafiəçisi Vild-Donald Gerye nümunəvi addımla diqqət mərkəzinə düşüb.

Apasport.az saytının məlumatına görə, Haiti millisinin üzvü ölkə səhiyyəsinə yardım edib.

Gerye koronavirus pandemiyası ilə mübarizədə ölkəsinə dəstək nümayiş etdirib. Dünyanın ən kasıb ölkələrindən olan Haitidə bir çox xəstələri qəbul etmək üçün lazımi avadanlıqlar yoxdur, yerli həkimlər də koronavirusa yoluxmaların sayının artmasından qorxurlar.

Düzdür, hazırda koronavirus xəstəsi ən az olan ölkələrdən biri Haitidir. Bu günə qədər ölkədə 47 belə infeksiya aşkarlanıb. Gerye isə iki xəstəxana üçün 20 min çarpayılıq bir düşərgə qurub və orada xəstələrin qəbulu üçün şərait yaradılıb.

Qeyd edək ki, Vild-Donald Gerye bir müddət əvvəl evsiz bir haitiliyə 5000 dollar yardım edib.

Dİgər xəbərlər