957
09:37
25 Mart 2020

Koronavirusla bağlı ABŞ-a XƏBƏRDARLIQ


Bütün dünyada sürətlə yayılmaqda davam edən koronavirusun yeni mümkün episentri açıqlanıb.

Lent.az -ın xarici KİV-ə istinadən verdiyi xəbərə görə, Ümumdünya Səhiyyə Təşkilatının nümayəndəsi Marqaret Harris bəyan edib ki, koronavirusun yeni mümkün episentri ABŞ ola bilər.

“Hazırda ABŞ-da xəstəliyə yoluxanların sayının sürətlə artması müşahidə olunur. Beləliklə, həqiqətən bu potensiala sahibdirlər. Biz hələ ki bunun belə olduğunu deyə bilmərik, lakin potensial reallığa çevrilə bilər”, - Harris söyləyib.

Son məlumata görə, ABŞ-da 54893 yoluxma qeydə alınıb. 783 nəfər ölüb, 348-i sağalıb.

Ümumilikdə dünyada 421 min insan koronavirusa yoluxub. Ölənlərin sayı 18, 8 min nəfərə çatıb, 107,7 min nəfər sağalıb.