"31 nəfər həlak olub, 1,5 mindən artıq insan yaralanıb"

DÜNYA

Ana səhifə
DÜNYA

11:15 26 yanvar 2020

"31 nəfər həlak olub, 1,5 mindən artıq insan yaralanıb" - Ərdoğan

Türkiyə Prezidenti Rəcəb Tayyib Ərdoğan Elazığ əyalətindəki zəlzələnin nəticələri barədə danışıb.

Lent.az-ın Türkiyə mətbuatına istinadən verdiyi məlumata görə, prezident deyib ki, indiyə qədər Elazığda baş verən zəlzələ nəticəsində 31 nəfər həlak olub, 1,5 mindən artıq insan yaralanıb:

"Lazım olan hər şey təbii fəlakət zonasına çatdırılıb. Dövlət vətəndaşlara hər cür kömək göstərir".

O, eyni zamanda bildirib ki, 45 nəfər dağıntılar altından xilas edilib.

Zəlzələ nəticəsində dağılan və zərər görən evlərlə bağlı da işlər gedir. Prezidentin sözlərinə görə, dəyən ziyanın qiymətləndirilməsi üzrə işlər bitdikdən sonra bərpa işləri başlayacaq: "Hazırda 3 nazirimiz, millət vəkillərimiz oradadır. Onlar komandaları ilə birlikdə dəyən ziyanın qiymətləndirmə işlərini davam etdirirlər".

Qeyd edək ki, yanvarın 24-ü Türkiyənin Elazığ əyalətinin Sivricə rayonunda 6.8 bal gücündə zəlzələ baş verib. Zəlzələ yerli vaxtla saat 20:55-də qeydə alınıb.