11:45
15 Yanvar 2020

Bakıda marketə basqın edənlər tutuldular

Xəzər rayonu Mərdəkan qəsəbəsində yerləşən zoomarketə basqın olub.

Daxili İşlər Nazirliyindən Lent.az -a verilən məlumata görə, naməlum şəxslər mağazanın sahibi H.Babayevə bıçaqla xəsarət yetirərək onun cibində olan 14000 manat pulu ələ keçiriblər. Məlumat daxil olan kimi Xəzər rayon Polis İdarəsi 1-ci Polis Şöbəsinin əməkdaşları əməliyyat tədbirləri keçirib. Nəticədə cinayəti törətməkdə şübhəli bilinən iki nəfər paytaxt sakini Ehtiram Əliyev və Ələsgər Əliyev qısa zamanda tutulublar.

Bildirilir ki, E.Əliyev əvvəllər həmin zoomarketdə işləyib. Hadisədən sonra hər iki şəxs Biləsuvar rayonuna qaçsa da polislər onların izinə düşə biliblər.

Faktla bağlı saxlanılan şəxslərin hər biri barəsində Cinayət Məcəlləsinin müvafiq maddələri ilə cinayət işi araşdırmalar davam etdirilir.

Dİgər xəbərlər