"Əsgərgetdi" qanla NƏTİCƏLƏNDİ

Ağcabədidə bıçaqlanma hadisəsi olub.

Lent.az-ın məlumatına görə, hadisə dekabrın 12-də rayonun Hüsülü kəndində qeydə alınıb. Kənd sakini Namiq Məmmədovun oğlunun hərbi xidmətə getməsi ilə əlaqədar keçirilən məclisdə mübahisə yaranıb. Digər iki kənd sakini, 16 yaşlı Mirzəyev Əliheydər Əlimərdan oğlu, 37 yaşlı həmkəndlisi Mirzəyev Seymur İnqilab oğlunu bıçaqlayıb. Hadisəyə səbəb S.Mirzəyevin Ə.Mirzəyevə yaşının az olmasına görə mübahisə edə bilməyəcəyini deməsi olub.

Bundan hiddətlənən Ə.Mirzəyev S.Mirzəyevin arxasınca gedərək, yaşadığı evin qarşısında üzərində gəzdirdiyi bıçaqla sol çiyin, sol kürək, döş qəfəsinin sol yarısı və belinə 5 dəfə zərbə vurub. Daxilə nüfuz etməyən zərbələrdən sonra Ə.Mirzəyev hadisə yerindən qaçıb. S.Mirzəyevi ailə üzvləri Ağcabədi rayon Mərkəzi Xəstəxanasına çatdırıblar. Xəstəxanada göstərilən ilkin tibbi yardımdan sonra onun vəziyyəti stabilləşib.

Aparılan əməliyyat tədbirləri nəticəsində hadisəni törədən Ə.Mirzəyevi bu gün Ağcabədi rayon Polis Şöbəsinin əməkdaşları saxlanyıb.