258
13:16
19 Noyabr 2019

Kənd sakinindən 25 kilodan çox narkotik götürüldü

Polis əməkdaşları külli miqdarda narkotik vasitəni dövriyyədən çıxarıblar.

Daxili İşlər Nazirliyinin mətbuat xidmətindən Lent.az -a verilən xəbərə görə, Baş Narkotiklərlə Mübarizə İdarəsinin Qərb Bölgəsində Regional Şöbəsi və Tovuz rayon Polis Şöbəsi əməkdaşları daxil olmuş məlumat əsasında birgə əməliyyat-axtarış tədbirləri keçiriblər.

Nəticədə Düz Qırıqlı kənd sakini, əvvəllər xuliqanlığa görə məhkum olunmuş A.Cəlilovun evinin zirzəmisindən 25 kiloqram 200 qram marixuana aşkar edilərək götürülüb.