244
15:11
22 Oktyabr 2019

Siyəzəndə həmyerlisini öldürənin işi istintaqa qaytarıldı

Bakı Ağır Cinayətlər Məhkəməsində Siyəzəndə həmyerlisini namus üstündə öldürməkdə təqsirləndirilən 1967-ci il təvəllüdlü Asim Əbdülovun cinayət işi üzrə məhkəmə davam edib.
APA -nın məlumatın görə, hakim Əlövsət Abbasovun sədrliyi ilə keçirilən prosesdə prokuror çıxış edərək Asim Əbdülovun 13 il müddətinə azadlıqdan məhrum edilməsini istəyib.
Zərərçəkmiş tərəfin nümayəndəsi prokurorun çıxışından narazı qalıb. Vəkil Asim Əbdülovun əməlinin xüsusi amansızlıqla qəsdən adam öldürmə maddəsinə tövsif edilməsini istəyib. Müdafiəçi məhkəməyə vəsatət verərək, işə xitam verilməsini və ibtidai istintaqa qaytarılmasını istəyib.
Vəsatət təmin edilib və məhkəmə qeyri-müəyyən vaxta qədər təxirə salınıb.
Qeyd edək ki, hadisə bu il fevralın 11-də Siyəzən rayonundakı qəbiristanlıqların birində baş verib.
A.Əbdülov Elşən Qədirlini güllələyərək öldürüb. İlkin məlumata görə, qətlin səbəbi öldürülən şəxsin - E.Qədirlinin A.Əbdülovun evinə gələrək, pəncərəni gizlicə döyməsi olub. Bundan qəzəblənən A.Əbdülov E.Qədirlini qəbiristanlığa aparıb və qətlə yetirib.
Təqsirləndirilən şəxs ilkin ifadəsində həmyerlisini arvadına sataşdığı üçün qətlə yetdiyi deyib.