14:49
26 Sentyabr 2019

Misir Futbol Federasiyası FİFA-dan izahat tələb etdi: Salaha görə

FİFA-nın ən yaxşı futbolçu mükafatı ətrafında yaranan qalmaqal böyüməkdə davam edir.
APA-nın məlumatına görə, səslərin hesablanması zamanı yaşanan saxtakarlıqlar Misir Futbol Federasiyasını da məsələyə müdaxiləsi ilə nəticələnib.
Qurum FİFA-ya məktub ünvanlayıb. Misirlilər bu ölkənin yığmasının lideri Məhəmməd Salaha verilən səslərin “yoxa çıxması” üçün izahat tələb edib.
Sudan millisinin baş məşqçisi Zdravko Luqaroşiç İngiltərə “Liverpul”unun futbolçusu olan M.Salahı 1-ci yerdə göstərib. FİFA isə həmin xalları Lionel Messiyə hesablayıb.
Qeyd edək ki, Nikaraqua millisinin futbolçusu Xuan Barrera da ardıcıl 6-cı dəfə ən yaxşı seçilən L.Messiyə səs vermədiyini iddia etsə də, FİFA bunun əksini sübuta yetirib.

Dİgər xəbərlər