244
11:41
16 Sentyabr 2019

Bakıda beynəlxalq kinofestival olacaq

Oktyabrın 2-dən 6-dək Bakıda III Doku Baku Beynəlxalq Sənədli Film Festivalı (BSFF) keçiriləcək.

Lent.az -ın məlumatına görə, festivala 32 ölkədən 181 film qəbul olunub. Filmlərin 43-ü tammetrajlı, 138-i qısametrajlıdır: “138 qısametrajlı filmin isə 22-si yerli istehsaldır. Bu il festivala Cənubi Amerikadan tutmuş, Kanada, hətta Yaponiyadan filmlər daxil olub.

Festivalın əsas proqramına daxil olan filmlər “Ən yaxşı tammetrajlı sənədli film”, “Ən yaxşı qısametrajlı sənədli film”, “Special Jury Mention” kateqoriyalarında yarışacaqlar. “Tamaşaçı rəğbəti mükafatı” da təqdim ediləcək.

Münsiflər heyətinə Georg Seesslen, Heleen Gerritsen, Tinay Muşdiyeva, Paşa Təbrizli, İradə Bağırzadə, Mirbağır İsmayılov kimi kino nümayəndələri daxildir. Müsabiqə proqramına daxil olmuş filmlərə beynəlxalq və yerli münsiflər heyəti tərəfindən baxılacaq və qaliblər oktyabrın 6-da, festivalın bağlanış mərasimində elan olunacaq.