"Dini Qurumlarla İş üzrə Dövlət Komitəsi hər il Qurban bayramı və Ramazan ayında məscidlərə gələnlərin statistikasını müəyyən etmək istiqamətində iş aparır. Bizim statistikamıza görə, sonuncu Qurban bayramının namazında iştirak edən dindarların sayı təxminən 145-170 min arasındadır".
APA xəbər verir ki, bunu DQİK-nın sədr müavini Gündüz İsmayılov bildirib. Onun sözlərinə görə, respublikada dindarların faizini hesablamaq üçün bir neçə üsuldan istifadə edilir:
"Din sosiologiyası adlı elm var. Həmin elmin bu statistikanın aparılması yanaşmasından istifadə edərək respublikadakı dindarların faizini müəyyən edirik. Bu zaman həmin bayram namazına gələnlərin sayını 5-ə vururuq. Aldığımız rəqəmə görə, ölkə əhalisinin 8 faizi dindardır. Bu isə təbii ki, təxmini rəqəmdir".
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
