“Oskar” mükafatı laureatı karyerasına son qoyur

Dünya şöhrətli avstraliyalı aktrisa, iki “Oskar” mükafatı laureatı Keyt Blanşett yaradıcılıq karyerasına son qoymaq niyyətindədir.

Lent.az AZƏRTAC-a istinadla xəbər verir ki, bu barədə Keyt Blanşett rejissor Riçard Linkleyterin “Hara yoxa çıxdın, Bernadett?” adlı filminin Nyu-Yorkda təqdimatından sonra bildirib.

“Mən artıq öz karyerama son qoymalıyam. Əminəm ki, tamaşaçılar bu filmə baxıb deyəcəklər: Həqiqətən də onun üçün dayanmağın vaxtı çatıb”, - aktrisa qeyd edib.