Son günlər məşhurluq qazanmış FaceApp fotoservisi ABŞ hökumətinin marağına səbəb olub. Bu tətbiq vsitəsilə istifadəçilər öz fotolarını qocalda və ya cavanlaşdıra bilirlər.
Lent.az “technote”a istinadən xəbər verir ki, amerikalı senator Çarles Şhumer FBİ-dan bu fotoservisin milli təhlükəsizliyə təhlükə mənbəyi olub-olmadığını yoxlamağı istəyib.
O, fikrini belə əsaslandırıb ki, FaceApp tətbiqi istifadəçi məlumatlarını üçüncü tərəfə ötürə bilər. Bu cür fikirlər daha əvvəllər də səsləndirilirdi.
FaceApp fotoservisinin təmsilçiləri isə bildiriblər ki, tətbiq istifadəçilərin fotolarını və özəl məlumatlarını özündə saxlamır və onları üçüncü tərəfə ötürmür. Sadəcə, olaraq istifadəçilər tərəfindən seçilmiş fotolar Amazon Web Services və Google Clouds bulud servislərində 48 saat saxlanılır. Bu isə ona görə edilir ki, istifadəçi seçilmiş fotolara yeni filtrlər tətbiq edə bilər.
Əlavə olaraq FaceApp bildirib ki, istifadəçilər istənilən zaman dəstək xidmətinə sorğu göndərərək bu serverlərdən öz məlumatlarını silə bilərlər.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
