Hakimlərin əmək haqları artırılır - RƏSMİ

Ədliyyə nazirinin müavini Azər Cəfərov Azərbaycanda məhkəmə hakimlərinin daha yüksək əmək haqqı alması ilə bağlı təkliflərə münasibət bildirib.

APA -nın xəbərinə görə, A. Cəfərov bildirib ki, "Məhkəmələr və hakimlər haqqında" Qanuna təklif edilən dəyişikliyə əsasən, hakimlərin əmək haqları müəyyən qədər artırılır.

O qeyd edib ki, Azərbaycan hökuməti hakimlərin əmək haqlarının artırılması ilə bağlı mütəmadi addımlar atır: “Əlbəttə ki, bu, imkandan asılı olan məsələdir. Yəni ölkənin iqtisadiyyatı inkişaf etdikcə, belə məsələlərə baxılacaq”.