Bu yolda 5 gün sıxlıq olacaq

İyun ayının 22-nə kimi (5 gün) Bakı-Quba-Rusiya Federasiyası ilə dövlət sərhədi avtomobil yolunun 14-132-ci km-lik hissəsində yol qəzaları nəticəsində yararsız vəziyyətə düşmüş təhlükəsizlik sədlərinin Azərbaycan Avtomobil Yolları Dövlət Agentliyi tərəfindən təmir işlərinə başlanılıb.

Bu barədə Lent.az -a Dövlət Avtomobil Nəqliyyat Xidmətindən məlumat verilib. Bildirilib ki, istirahət mövsümü ilə əlaqədar olaraq həmin istiqamətdə sıxlığın olacağını nəzərə alaraq xüsusilə ictimai nəqliyyat vasitələrini idarə edən sürücülərdən sözügedən yol ilə hərəkətdə olarkən diqqətli olmaları, müvəqqəti yol nişanlarına və yol hərəkəti qaydalarına əməl etmələri xahiş olunur.