977
16:59
09 İyun 2019

Tez hazırlanan soyuq yay şorbası - Usta öz sirlərini açır - Lent.az-ın mətbəxi

Bu gün Lent.az -ın mətbəxi layihəsində növbəti yazımızı təqdim edirik.
Bu dəfə mətbəximizdə sosial şəbəkədə "lavanda618" adı ilə məşhur olan usta sizələrə yay şorbasının xüsusi hazırlanma üsulunu təqdim edir:
Soyuq yay şorbasının hazırlanması:
İçindəkilər:
Miqdarı gözə yarı seçirik.
Xiyar, zövqə uyğun göyərti növləri, nanə, bir az noxud, qatıq, duz, istiot.
Hazırlanması:
Noxudu əvvəlcədən bişirib, qabığını çıxarırıq və soyuducunun buzluq hissəsində saxlayırıq. Yarım saat sonra həmin noxudları qaba tökürük. Xiyarı və göyərtini yaxşıca yuyub xırda doğrayırıq. Daha sonra doğradığımız göyərtini, xiyarı, duz-istiot və qatığı noxudun üstünə əlavə edib qarışdırırıq. Hazırladığımız şorbanı qablara çəkib çəkirik.
Hazırlayan hər kəsə nuş olsun!