Bayramın ilk günü sərnişinlər ən çox İstanbul və Tbilisiyə yollanıb

Bayramın ilk günü (5 iyun tarixində) Bakı Beynəlxalq Avtovağzal Kompleksindən (BBAK) şəhərlərarası istiqamətlərə 378 reyslə 10 663 sərnişin daşınıb.

Bu barədə Lent.az -a məlumatı BBAK-ın mətbuat katibi Pərvin Məmmədova verib. O bildirib ki, beynəlxalq istiqamətlərə isə 25 reyslə 718 sərnişin yola salınıb:

"Beynəlxalq reyslərdə ən çox sərnişin axını İstanbul və Tbilisi şəhərlərinə olub.

Həmçinin bayramın 2-ci günü bu dəqiqələrə olan statistikaya görə, 158 reyslə 3700 sərnişin bölgələrə yola salınıb. Digər günlərlə müqayisədə bu gün sərnişin sıxlığı müşahidə olunmur".