Belçikada Xurşidbanu Natəvanın heykəlinin açılışı olub
18 fevral 2016 18:06 (UTC +04:00)

Belçikada Xurşidbanu Natəvanın heykəlinin açılışı olub

Belçikada Xurşidbanu Natəvanın heykəlinin açılışı olub.

Heydər Əliyev Fondundan Lent.az-a verilən məlumata görə, fondun dəstəyi ilə Belçika Krallığının Vaterlo şəhərində Azərbaycanın görkəmli şairəsi Xurşidbanu Natəvanın abidəsinin açılış mərasimi keçirilib.

 

Açılış mərasimində çıxış edən Azərbaycanın Belçika Krallığındakı fövqəladə və səlahiyyətli səfiri Fuad İsgəndərov qeyd edib ki, bu layihənin reallaşması Azərbaycanın birinci xanımı, Heydər Əliyev Fondunun prezidenti Mehriban Əliyevanın dəstəyi sayəsində mümkün olub.  “19-cu əsrdə yaşamış Xurşidbanu Natəvanın şeirlərinin əsas mövzusu humanizm, xeyirxahlıq, dostluq və sevgi olub. Vaterloda Azərbaycan şairəsi və mütəfəkkiri Xurşudbanu Natəvanın heykəlinin açılışını etmək rəmzi bir hadisədir. Və bu əlamətdar hadisə Azərbaycanla Belçika arasında humanitar əlaqələrdə yeni bir səhifədir”.

 

Vaterlo şəhərinin meri Floran Röter çıxışında Azərbaycanla qurulmuş əməkdaşlıqdan məmnunluq ifadə edib və şəhərdə Xurşidbanu Natəvanın abidəsinin ucaldılmasının yüksək qiymətləndirib.

 

Qeyd edək ki, Xurşidbanu Natəvanın heykəlinin Avropanın tarixində xüsusi rol oynamış, hazırda Belçikanın turizm şəhərlərindən olan Vaterlo şəhər parkında qoyulması Azərbaycan tarixi və mədəniyyətinin dünyada tanıdılması baxımından əhəmiyyətlidir. Şuşada anadan olan Xurşidbanu Natəvanın Belçikada ucalan heykəli, həmçinin Qarabağ xanlığının tarixini özündə təcəssüm etdirir. Heykəlin postamentində “Şərqin müasir maarifçi və şairə qadını Xurşidbanu Natəvan, Qarabağ şahzadəsi, Azərbaycan” sözləri yazılıb. Özündə Qarabağla bağlı qeydi əks etdirən bu abidənin Belçikada ucaldılması Azərbaycan həqiqətlərinin yaşadılması və dünyada tanıdılması istiqamətində aparılan işlərə bir töhfədir.

 

Qeyd edək ki, Vaterlo şəhərinin mərkəzi parkında ucalan heykəl Azərbaycanın Xalq rəssamı Tahir Salahovun rəhbərliyi altında heykəltəraş İmran Mehdiyev tərəfindən hazırlanıb. 

 

# 704
avatar

Oxşar yazılar

Bakıda evdən meyit tapıldı

Bakıda evdən meyit tapıldı

8 dekabr 2022 , 22:04
Bayramda qonaq çox içdiyi üçün  öldürüb zirzəmiyə atdılar

Bayramda qonaq çox içdiyi üçün öldürüb zirzəmiyə atdılar

8 dekabr 2022 , 19:53
Təqaüdçüləri aldadıb pullarını ələ keçirdi - VİDEO

Təqaüdçüləri aldadıb pullarını ələ keçirdi - VİDEO

8 dekabr 2022 , 19:09
Alimpaşa Məmmədov  marallarının yemini   görün kimə aldırırmış?

Alimpaşa Məmmədov marallarının yemini görün kimə aldırırmış?

8 dekabr 2022 , 18:26
Azərbaycanda 2 uşaq anası özünü asdı

Azərbaycanda 2 uşaq anası özünü asdı

8 dekabr 2022 , 17:33
Mingəçevirdə  AĞIR QƏZA:  6 yaralı var

Mingəçevirdə AĞIR QƏZA: 6 yaralı var

8 dekabr 2022 , 16:13
Azərbaycanlı qızları Türkiyədə satan qadına HÖKM OXUNDU:  lakin...

Azərbaycanlı qızları Türkiyədə satan qadına HÖKM OXUNDU: lakin...

8 dekabr 2022 , 15:19
İrandan gətirilən narkotiklər

İrandan Azərbaycana 40 kiloya yaxın narkotik keçirmək istədilər - FOTO

8 dekabr 2022 , 14:23
Qardaşının evində özünü öldürən qadının adı bilindi - YENİLƏNİB

Qardaşının evində özünü öldürən qadının adı bilindi - YENİLƏNİB

8 dekabr 2022 , 13:28