Türkiyədə kişi gecəyarı küçədə arvadını öldürüb, qızını isə yaralayıb.
Lent.az yerli KİV-ə istinadla bildirir ki, hadisə Manisa şəhərinin Turqutlu qəsəbəsində baş verib.
Narkotik maddənin təsirində olan Fırat A. gecə saat 3 radələrində arvadı Şenaye A. ilə dalaşıb. Bu zaman qadın 8 yaşlı qızı D. A. –nı da götürərək evdən qaçıb. Lakin kişi çılpaq halda onların ardınca küçəyə qaçaraq, azyaşlı qızının gözləri önündə arvadını tutaraq, dəfələrlə bıçaqlayıb. Bundan sonra, qızına da bıçaqla xəsarət yetirib.
Xəstəxanaya yerləşdirilən qadını xilas etmək mümkün olmayıb. Qızın isə həyati təhlükəsi olmadığı bildirilir.
O, həmçinin hadisə yerinə gələn polislərə də əlindəki bıçaqla hücum edib. Polis əvvəlcə havaya atəş açsa da, cinayətkar məhəl qoymayıb. Bundan sonra o, ayağından vurularaq, saxlanılıb.
Araşdırmalar davam etdirilir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
