Smartfonun korpusunu  soyudan   material hazırlanır
23 aprel 2022 19:35 (UTC +04:00)

Smartfonun korpusunu soyudan material hazırlanır

Uhan Universiteti OPPO ilə smartfon korpusları üçün yeni növ soyutma materialı hazırlamaq üçün əməkdaşlıq edir.
 
Lent.az-ın xarici mediaya istinadla məlumatına görə, "Glacier Mat" adlanan yeni materialın termotənzimləmə mexanizmi kosmos gəmisinin və ya insan bədəninin tərlə istiliyi yayan buxarlayıcı soyutma prosesinə bənzəyir.

Material öz-özünə dövran edən buxarlandırıcı soyutmanı həyata keçirə bilər.
 
İçindəki termorequlyasiya fiziki xüsusiyyətlərə görə həyata keçirilir və əlavə elektrik enerjisinin və ya digər enerji növlərinin cəlb edilməsini tələb etmir.
 
Smartfon həddindən artıq qızdıqda, material suyun buxarlanması vasitəsilə istiliyi aradan qaldırır. Soyuduqda, material korpusun temperaturunu tənzimləmək üçün nəmi çəkir.

Təcrübə zamanı hazırlayanlar belə qənaətə gəliblər ki, eyni şəraitdə bir saat fasiləsiz istifadə edildikdə, yuxarıda göstərilən materialdan hazırlanmış korpusla təchiz edilmiş smartfon adi smartfonlardan 2,3 dərəcə Selsi soyuq olub.

Bu günə qədər bu texnologiya OPPO smartfonunun yaxınlarda buraxılmış qoruyucu korpusunda artıq istifadə olunur.

Texnologiyanı hazırlayanlar iddia edirlər ki, gələcəkdə onu kompüterlərdə və günəş panellərində də tətbiq etmək mümkün olacaq.
 

# 2628
avatar

Oxşar yazılar