"Instagram" hekayələri   niyə bu qədər asılılıq yaradır? - Səbəbi  AÇIQLANDI
27 yanvar 2024 20:15 (UTC +04:00)

"Instagram" hekayələri niyə bu qədər asılılıq yaradır? - Səbəbi AÇIQLANDI

Hər boş vaxtda telefonu əlimizə alan kimi özümüzü "Instagram"da tapırıq. "Instagram"da çarxlara və hekayələrə baxmaq demək olar ki, hamımızın gündəlik məşğuliyyətlərindən biridir.

Bəs "Instagram" hekayələri niyə bu qədər asılılıq yaradır?

Lent.az xarici KİV-ə istinadən xəbər verir ki, 2016-cı ilin avqust ayında edilən bir yeniləmə ilə "Instagram" 24 saat ərzində yoxa çıxan hekayələr əlavə etmə xüsusiyyətini təqdim edib. Biz hamımız gündəlik həyatımızda seriallar kimi "Instagram" hekayələrini izləyirik.

Psixoloq Raffaello Antoninonun fikrincə hekayələrin sürətli və şəxsi olması insanlarda maraq oyadır. Buna görə də biz özümüzü "Instagram" hekayələrinə daim baxmaq məcburiyyətində hiss edirik. Mütəxəssislərin fikrincə, hekayələr beyin üçün əmzik rolunu oynayır. Sürətli videolar bizi reallığın məsuliyyətindən daha tez yayındırır və bizi sosial qidalanmaya aparır.

Əvvəlcə "Instagram"da yaxın olduğumuz insanların hekayələrini izləyirik. Sonra gün ərzində yediyimiz, içdiyimiz qidaları və ya oxuduğumuz kitabı hekayə olaraq paylaşırıq. Nəhayət, hekayəmizi kimin izlədiyini görmək üçün yenidən "Instagram"a daxil oluruq.

Biz bu pis dairəyə necə düşdük?

Ekspertlərin fikrincə, bunun əsas səbəbi insan təbiətidir. Biz təbiətcə insanların nə etdikləri və bizi necə gördükləri ilə maraqlanırıq. Hekayə asılılığımızın başqa bir səbəbi də həyatımızın vacib anlarını insanlarla paylaşaraq öz kimliyimizi dəstəkləməyimizdir. "Instagram" hekayələri vasitəsilə öz həyatımızın “mükəmməl” proyeksiyasını dərc etdikdə özümüzə inamımız artır.

Nə izlədiyimizi anlamadan hekayələrdə bundan sonra nə görəcəyimizi təxmin etməyə çalışırıq. Digər tərəfdən, paylaşılan hekayələr 24 saatdan sonra yox olur.

24 saatlıq məhdud vaxt hekayələri ən qısamüddətli sosial media qarşılıqlı əlaqələrindən birinə çevirir. Bu vəziyyət bizdə hekayələri daim yoxlamağa ehtiyac duymağımıza səbəb olur. Şəbəkəmizi daim yoxlamaq heç nəyi “qaçırmayacağımızı” təmin edir.

# 4002
avatar

Fidan İlqar

Oxşar yazılar