“Apple” köhnə istifadəçiləri üçün gizli yeni məhsul hazırlayır: bu hansı cihazdır?

“Apple” “iMac G4” həvəskarları üçün sürpriz hazırlayır.

Lent.az xəbər verir ki, istehsalçı 20 illik məşhur kompüteri ağıllı ev cihazı şəklində yenidən bərpa edəcək.

Söhbət “iPad” “Apple TV” və “HomePod”un imkanlarını birləşdirəcək bir növ çoxfunksiyalı mərkəzdən gedir. Bildirilir ki, qurğu bucaq altında yerləşən kiçik displeyli yarımkürə formalı bazaya və “iMac G4” (2002) üslubunda stendə malik olacaq.

Maraqlıdır ki, cihazın displeyi “iPad” kimi düzbucaqlı deyil, “yan-yana yerləşdirilən iki iPhone” ölçüsündə kvadrat olacaq. Ekranın kiçik ölçüsü sayəsində şirkət yeni məhsulun qiymətini aşağı salmağı gözləyir. Şirkət əmindir ki, bu yolla istifadəçilər müxtəlif otaqlarda belə bir cihaz yerləşdirəcəklər.

Adı açıqlanmayan cihazın öz homeOS əməliyyat sistemi olacaq və qeydlər və Təqvimdən istifadə etməklə, foto və videoları nümayiş etdirməklə FaceTime üçün "uyğun" olacaq. Qurğu həm də ağıllı ev və dinamiki idarə etmək üçün mərkəz rolunu oynayacaq.

Qurğunun təqdimatı gələn ilin yazında gözlənilir. “Apple” həmçinin ekranı 360 dərəcə əyməyə, qaldırmağa, endirməyə və döndərə bilən mexaniki hissəyə malik daha premium versiya hazırlayır. Bu cihazın qiyməti təxminən 1000 dollar olacaq və 2026-cı ildən tez olmayacaq

“Apple”ın növbəti altı ayda göstərəcəyi bütün cihazlar

Şirkət M4 çipinə əsaslanan ilk “Mac”ları təqdim edəcək . Biz 14 və 16 düymlük “MacBook Pro”ları, yeni “iMac” və “Mac Mini”ləri və bəlkə də “Magic Mouse”, “Magic Keyboard” və “Magic Trackpad”in yeni versiyalarını görəcəyik.

2025-ci ilin yaz təqdimatı çərçivəsində M4 çipli “MacBook Air”, “iPad Air” və yeni sərfəli “iPhone SE”nin elanı gözlənilir ki, onun xüsusiyyətləri hətta Android istifadəçilərini də sevindirəcək.