"Apple" artıq "Apple Watch"u təmir etmir

“Apple” şirkəti 2015-ci ildə buraxılmış ilk “ağıllı” saatı "Series 0"ın təmirini dayandırıb.

Lent.az "Gazeta.ru"ya istinadən xəbər verir ki, bu barədə "MacRumors" nəşri məlumat yayıb.

Qeyd olunub ki,," Apple Watch Series 0" rəsmi olaraq 30 sentyabr 2023-cü ildə köhnəlmiş kimi siyahıya alındı. Jurnalistlər bu barədə "Apple"ın daxili poçt siyahısındakı məktubun surətindən öyrəniblər.

"MacRumors" qeyd edir ki, əsas "Apple Watch Series 0" modelləri ilə yanaşı, səlahiyyətli xidmət mərkəzləri də qızıl versiyasını qəbul etməyi dayandıracaq. Bu modelin korpusu 18 karatlıq qızıldan hazırlanıb. Buraxılış zamanı onlar 17 min dollara satılıb.

Qızıl versiya ilə yanaşı, 38 və 42 mm-lik klassik modellər, həmçinin "Hermes"dən modifikasiya da var.

"Apple" artıq satılmayandan yeddi il əvvəlki cihazları köhnəlmiş kimi təyin edir. "Apple Watch Series 0" 2016-cı ildə "Apple Watch Series 1"in buraxılmasından sonra dayandırıldı.

"Apple"ın indi istənilən gün rəsmi internet saytında dərc olunan köhnəlmiş qadcetlər siyahısına birinci nəsil saatı əlavə edəcəyi gözlənilir.