Bir millimetrlik ultra dar çərçivələrə malik dünyanın ilk smartfonu “Xiaomi 14” olacaq.
Lent.az “MyDrivers” portalına istinadən xəbər verir ki, o, 2023-cü ilin noyabrında buraxılacaq.
Smartfonun dizaynı “Xiaomi 13”ə çox bənzəyəcək. Ön kamera ekranın yuxarı mərkəzi hissəsində quraşdırılacaq. Arxa tərəfdə üçlü əsas kamera olacaq.
Çərçivənin eni kameranın qurulacağı 1 mm olacaq. Eyni zamanda, keçən ilki flaqman "Xiaomi 13" yan tərəfində 1,6 mm, alt hissəsində isə 1,8 mm qalınlığında çərçivə əldə edib. Ekranı “Huaxing” şirkəti istehsal edəcək.
“Xiaomi 14” ən dar çərçivəyə malik flaqman smartfon olacaq. “China Star” Optoelektronik şirkəti ultra dar çərçivəli ekranların istehsal səmərəliliyini artırmaq üçün yeni model üçün FIAA Slim dizayn sxemini hazırlayıb.
İnsayderlərin fikrincə, "Xiaomi 14"ün standart versiyası 4860 milliamper/saat, "Xiaomi 14 Pro" isə 5000 milliamper/saat tutumlu akkumulyator alacaq. Eyni zamanda, hər iki model Qualcomm-dan ən son Snapdragon 8 Gen 3 prosessorunu alacaq.
Yeni "Xiaomi 14"ün 2023-cü ilin payızında keçiriləcək təqdimatda nümayiş olunacağı gözlənilir, lakin smartfon noyabrda buraxılacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
