Yerdə orta temperatur 4 dərəcə artarsa... - XƏBƏRDARLIQ

Britaniyalı alimlər Yerdəki orta hava istiliyinin artmasının nəticələrindən danışıblar.

Lent.az-ın xarici mediaya istinadla verdiyi xəbərə görə, göstərici 4 dərəcə artarsa, Antarktika dəniz buzlaqlarının 30 faizdən çoxu “qeyri-sabit” olacaq.

Bu buz əriməsi və okeanlarda suyun səviyyəsində kəskin bir artım ilə nəticələnəcək. Bənzər bir proses planet sakinlərini fəlakətli daşqınlarla təhdid edir.

Redin Universitetinin əməkdaşları qeyd edirlər ki, dəniz buzlaqları mühüm qoruyucu rol oynayır: kontinental buz kütlələrinin dənizlərə keçməsinin qarşısını alır.

Hava istiliyinin kəskin artması ilə dəniz buzlaqları yox olacaq. Nəticədə materik “azad olacaq”.

İlk növbədə Antarktidadakı nəhəng buz kütlələrindən söhbət gedir. Onsuz da bizim dövrümüzdə kiçik Avropa ölkələrinin əraziləri ilə müqayisə oluna bilən buzlaqlar materikdən “qopur”.

Orta hava istiliyi 4 dərəcə yüksəlsə, Antarktika buzunun 30 faizdən çoxu "sınmaq" təhlükəsi ilə üzləşəcək.

Alimlərin proqnozuna görə, analoji proses XXI əsrin sonlarında başlaya bilər. Bunun qarşısını almaq üçün bəşəriyyətin ən azı hazırda müşahidə olunan istilik parametrlərini aşması lazımdır.

Sənayedən əvvəlki dövrlə müqayisədə indi orta temperatur 1,5 dərəcə yüksəkdir.