Evlərdə yemək hazırlamağın, paltar yuyub ütüləməyin qiyməti neçədir? – MƏBLƏĞ

Nazirlər Kabineti dövlət sosial xidmət müəssisələrində və evlərdə qismən ödənişli sosial xidmət haqqının məbləğini təsdiq edib.

Lent.az-ın verdiyi məlumata görə, bu məbləğ “Dövlət sosial xidmət müəssisələrində və evlərdə qismən ödənişli və tam ödənişli şərtlərlə sosial xidmətin göstərilməsi Qaydası”na 1 nömrəli əlavədə əksini tapıb:

1 nömrəli əlavə

Xidmətlər	Xidmətin müddəti (dəqiqə ilə)	Xidmət haqqının məbləği(manatla)
Yemək hazırlanmasına kömək etmək (o cümlədən, dietik yeməklər), özünə qulluq edə bilməyən xəstələrin yedizdirilməsi və qabların yuyulması	60	1.00
Zəruri ərzaq, sənaye və məişət mallarının alınması	30	0.45
Mənzillərin yığışdırılması və təmizlənməsi (hər 10 m²üçün )	-	0.85
Yataq və geyim əşyalarının yuyulması və ütülənməsi	60	1.00
Həkim müayinəsinə aparılıb-gətirilməsi	-	1.50

Nazirlər Kabineti dövlət sosial xidmət müəssisələrində və evlərdə tam ödənişli sosial xidmət haqqının məbləğini də təsdiqləyib. Bu məbləğ “Dövlət sosial xidmət müəssisələrində və evlərdə qismən ödənişli və tam ödənişli şərtlərlə sosial xidmətin göstərilməsi Qaydası”na 2 nömrəli əlavədə əksini tapıb:

2 nömrəli əlavə

Xidmətlər	Xidmətin müddəti (dəqiqə ilə)	Xidmət haqqının məbləği(manatla)
Şəxsin çimizdirilməsinə, saçlarının daranmasına yardım edilməsi (hamamda su qızdırıcı sistemi olarsa)	40	3.00
Şəxsin çimizdirilməsinə, saçlarının daranmasına yardım edilməsi (hamamda su qızdırıcı sistemi olmadıqda)	50	5.00
Həyətyanı sahənin nizama salınması (hər 50 m²üçün )	25	3.00
Paltarın xırda təmiri	10	1.00
Yataq və geyim əşyalarının camaşırxanaya, kimyəvi təmizləmə məntəqəsinə (əgər camaşırxana və kimyəvi təmizləmə məntəqəsi varsa) aparılıb-gətirilməsi	40	2.00