
"Əlilliyin qiymətləndirilməsi həyata keçirilərkən məmur-vətəndaş təması baş vermir" - NAZİRLİK
“Zaqatala rayonu, Qımır kənd sakini Bəkirov Nəzər Nurullah oğlunun əlillik dərəcəsi ala bilməməsi barədə bəzi saytda dərc olunmuş məlumatla əlaqədar araşdırma aparılıb”.
Bu barədə Lent.az-a Əmək və Əhalinin Sosial Müdafiəsi Nazirliyinin mətbuat katibi Fazil Talıbov məlumat verib.
O bildirib ki, araşdırma zamanı müəyyən edilib ki, Nəzər Bəkirovun əlilliyinin qiymətləndirilməsi üçün 07.03.2019 tarixində Zaqatala Rayon Mərkəzi Xəstəxanasından müraciət edilib:
“Lakin əlilliyin qiymətləndirilməsi zamanı əsas sənəd hesab olunan Forma 88-in (göndərişin) natamam doldurulması və xəstənin Tibbi Sosial Ekspert Komissiyasına göndərişində diaqnozu təsdiq edən ixtisas həkim müayinələri və köməkçi diaqnostika müayinələri aparılmaması səbəbindən təyinatdan imtina edilib.
Qarşı tərəfin mövqeyini öyrənmədən məlumat yayan bir neçə saytın bir daha diqqətinə çatdırırıq ki, səhiyyə müəssisəsi tərəfindən vətəndaşın səhhətini əks etdirən bütün funksional diaqnostik, laborator, rentgen müayinələrinin nəticələri, mütəxəssislərin məlumatları, aparılmış müalicə tədbirləri və onların səmərəliliyi, klinik proqnoz göstərilməklə göndəriş rəsmiləşdirilməlidir.
Əmək və Əhalinin Sosial Müdafiəsi Nazirliyinin müvafiq qurumu tərəfindən əlilliyin qiymətləndirilməsi həyata keçirilərkən məmur (və ya həkim-ekspert) - vətəndaş təması baş vermir. Qərar verən orqan yalnız səhiyyə müəssisəsi tərəfindən elektron qaydada göndərilmiş sənədə əsasən qərar verir.
Buna baxmayaraq Nəzər Bəkirovun əlilliyinin yenidən qiymətləndirilməsi üçün 16 saylı TSEK-ə müvafiq tapşırıq verilib. Vətəndaşın qardaşı Hikmət Bəkirov komissiyaya dəvət olunaraq ona yenidən müraciət zamanı göndərişin düzgün tərtib edilməsində tövsiyyə xarakterli lazımi köməklik göstəriləcək”.
Oxşar yazılar

Dolu düşüb, yağış yağıb, şimşək çaxıb - FAKTİKİ HAVA
29 may 2025 , 10:35
Abituriyentlər üçün YENİ QƏRAR
29 may 2025 , 10:14
Hansı evlərin tikintisi üçün icazə tələb olunmur? - CAVAB
29 may 2025 , 09:37
Liseyə hazırlaşan şagirdlərə ŞAD XƏBƏR
29 may 2025 , 09:25
Hər şeyi dəyişdirmək üçün son şans əldə edəcək BÜRCLƏR
29 may 2025 , 09:09
APA TV-nin 12 yaşı tamam olur
29 may 2025 , 08:50
Bakıda bu yollarda sıxlıq var - SİYAHI
29 may 2025 , 08:26