Səs yazısı yayılan direktor İŞDƏN ÇIXARILIR - RƏSMİ - YENİLƏNİB

Səs yazısı yayılan Ağsu rayon Xəlilli kənd orta məktəbinin direktoru ilə bağlı qərar verilib.

Bu barədə Lent.az-a Regional Təhsil İdarəsinin İctimaiyyətlə Əlaqələr üzrə məsul şəxsi Anar Osmanov məlumat verib.

Onun sözlərinə görə, məktəb direktoru Oqtay Şıxıyevin fəaliyyətinə xitam veriləcək:

“Direktor idarəyə çağırıldı. Onun bu məsələ barədə izahatı alındı. Yayılan səs yazısı ötən ilə aiddir. Bu il Oqtay Şıxıyevin 65 yaşı tamam olduğu və direktorlarla bağlı 1 illik bağlanan müqaviləsi bitdiyi üçün onun işinə dekabrın 31-i xitam veriləcək”.

***

saat 14:37

Səs yazısı yayılan direktor regional təhsil idarəsinə çağırılıb.

Bu barədə Lent.az-a Regional Təhsil İdarəsinin İctimaiyyətlə Əlaqələr üzrə məsul şəxsi Anar Osmanov məlumat verib.

O qeyd edib ki, hazırda direktorun izahatı alınır:

“Günün sonunadək məsələyə rəsmi münasibət bildiriləcək”.

***
Saat: 12:41

Azərbaycanda daha bir məktəbin direktorunun səs yazısı yayılıb.

Lent.az xəbər verir ki, Ağsu rayon Xəlilli kənd orta məktəbinin diektoru Oqtay Bəylər oğlu Şıxıyev məktəbin qadın müəllimlərinin birindən bir gün dərsə gəlmədiyi üçün 10 manat tələb edir.

Direktor Oqtay Şıxıyev 10 manat əvəzinə 5 manat verən müəllimdən qalan 5 manatı da istəyir.

Məsələ ilə bağlı Dağlıq Şirvan Regional Təhsil İdarəsinə soğru ünvanladıq.

Regional Təhsil İdarəsinin İctimaiyyətlə Əlaqələr üzrə məsul şəxsi Anar Osmanov Lent.az-ın sorğusuna cavab olaraq bildirib ki, hazırda faktla bağlı araşdırma aparılır:

"Ötən gün yoldaşı həmin məktəbin müəllimi olan bir xanım tərəfindən bu video bizə göndərildi. Biz hazırda bununla bağlı araşdırmaya başlamışıq. Nəticə barədə məlumat veriləcək".

Həmin səsyazısını təqdim edirik: