Sosial şəbəkələrdə Bakıda marketlərin birində pişiyin ət məhsullarının üstündə gəzdiyi əks olunan video yayılıb. Sözügedən görüntülərin harada çəkildiyi məlum deyil. Məsələ ilə bağlı ətraflı məlumat almaq üçün Azərbaycan Respublikasının Qida Təhlükəsizliyi Agentliyinə müraciət etdik.
Agentlikdən Lent.az-a verilən açıqlamada sosial şəbəkədə yayılan görüntünün qurum tərəfindən nəzarətə götürüldüyü bildirilib:
“Məsələ AQTA-nın Bakı regional bölməsi tərəfindən qanunvericiliyə uyğun olaraq araşdırılacaq. Araşdırmaların nəticəsi barədə məlumat veriləcək”.
“İstehlakçılardan xahiş olunur ki, qida sahəsində hər hansı bir uyğunsuzluqla rastlaşdıqda araşdırılıb müvafiq tədbirlərin görülməsi üçün mütləq şəkildə Agentliyin "1003" qaynar xəttinə məlumat versinlər”, - deyə məlumatda qeyd olunub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
