İmkansız şagirdlər üçün xeyriyyə konserti keçiriləcək

Konsert “Məlahətli ana” Uşaqlara Yardım İctimai Birliyinin təşkilatçılığı ilə baş tutacaq.

Birliyin mətbuat xidmətindən verilən məlumata görə, konsertdə Azərbaycanın tanınmış incəsənət xadimləri iştirak edəcək. Onların arasında Nisə Qasımova, Aygün Bəylər, Elariz Məmmədoğlu, Aybəniz Haşımova, Səyyad Əlizadə, Sevda Yəhyayeva, Zamiq Hüseynov, Aynişan Quliyeva, Elçin Şirin, Aygün Şükürova, Məleykə Əsədova, Nurlan Əzizbəyli, İlqar Muradov, İzzət Bağırov, Mətanət İsgəndərli, Nadir Bayramlı, Nüşabə Ələsgərli, N-brothers, Aşıq Samirə, Emin Bədəlov, Elnur Məmmədov, Əkbər, Nura, Miri Yusif, Könül Kərimova, , Kristal qrupu, “Maori” rəqs qrupu - Göyçək Fatimə, yumorist Fərda Xudaverdiyev, “Bülbüllər” ansamblı, 2 nömrəli uşaq evinin rəqs ansamblı və “Noğullar”ın çıxış edəcəyi gözlənilir. Konsertin aparıcıları isə xalq artisti İlham Əsgərov və “Eurovision-2010” müsabiqəsinin beşincisi Safura Əlizadədir.

Tədbirin keçirilməsində məqsəd rəsmi məlumatlar və birliyin öz araşdırmaları nəticəsində müəyyənləşdirilən minlərlə imkansız şagirdləri məktəbli forması və çantası ilə təmin etməkdir.

Xəyalə Muradlı